社區入門能手－攤開社區嚟講系列 [第五課 : “我們在社區的失敗經驗”]
大家呢幾年成日都聽到社區、社區、社區。可能從好多雜誌報道裏面睇到好多人情味或者溫情嘅小故事。社區係唔係真係咁浪漫嘅呢？
今次搵到李俊峰分享，him lo 回應，分享一下佢哋喺社區裏邊失敗嘅經歷。一個着重人性化、參與嘅社區成功唔會係因為一個人而成功，同樣失敗亦唔會係因為一個人而失敗。可能係平時一啲分享會裏邊我哋聽得好多一啲咁人肺腑流晒眼淚嘅分享，今次同時亦都係流眼淚，但係係講下一啲係社區裏邊比較未如理想嘅經歷。
更加希望唔同地區嘅朋友過嚟分享下佢哋係呢方面嘅經歷或者睇法。
下個禮拜四（16/6）夜晚，過嚟黃屋香港故事館。
第四課 : “我們在社區的失敗經驗”
日期：6月16號禮拜四
時間：夜晚七點三十分
講者：李俊峰 回應：Him Lo
如果唔落雨就喺藍屋空地，落雨嘅就想聖雅各7樓AV房
區議員又講走入社區，大學課程又話要走入社區，究竟社區係乜嘢野黎嘅呢？
依家我哋有大概30個社區入門能手，喺嚟緊嘅一年佢哋將會去到香港唔同社區親身落手落腳了解、研究唔同嘅社區，喺唔同嘅社區工作希望搵到更加多唔同嘅方法。
香港故事館希望能更加有深度及闊度咁等大家可以討論及分享關於社區嘅睇法同埋意見，所以係第三個星期四我哋會邀請係社區工作裏便唔同範疇嘅人士來分享同埋討論一下社區究竟係乜嘢？希望透過呢個活動我哋可以更加立體咁樣去思考社區
